મંગળવાર, 9 ઑક્ટોબર, 2012

....જીદ ના કર


જેવું છે તેવું જ બતાવી દેશે દંભ વગર,
અરીસાને ચહેરો બતાવવાની જીદ ના કર.

સપનું ક્યારેય આવે નહિ નીંદ વગર,
આખી જિંદગી જાગવાની જીદ ના કર.

પાયો જ જેનો રચાયો છે સિમેન્ટ વગર,
આવી ઈમારત ને ચણવાની જીદ ના કર.

કંઈ સદીઓથી રઝળી રહ્યો છે લાગણી વગર,
જીવ, તેને ઝાકળથી ભીન્જવવાની જીદ ના કર.

મુહોબ્બત આ મળી ગઈ છે માંગણી વગર,
આ ઈશ્વરી સંકેતને ના સમજવાની જીદ ના કર.

કંઈ કેટલીયે 'શમા' બુઝાઈ ગઈ પરવાના વગર,
જે પરવાનો મળ્યો, તેને જલાવવાની જીદ ના કર.

દીપ્તિ પટેલ, 'શમા', કેનેડા
૦૧-૦૭-૧૨, ૧.૦૯ સવારે 

3 ટિપ્પણીઓ:

ઈદ્રજીતસિંહ વાધેલા કહ્યું...


દિપ્તીબેન હવે તો સાચે જ જીદ કરવા નું મન થાય છે....!

મૌનમાં અમને પરોવી ખુદના માટે હારતો નથી ગુંથી રહ્યા ને...!
ઇન્દ્રજીતસિંહ વાઘેલા

ઈદ્રજીતસિંહ વાધેલા કહ્યું...

જગને શું કહેશું જ્યાં શ્યામની
રૂડી રાતડી આમ હૈયે ધરી.....!
-ઇન્દ્રજીતસિંહ વાઘેલા [ ૧૩-૦૯-૨૦૧૨ ]

Rajnikant Brahmbhatt કહ્યું...

A touching creation with a spiritual touch. Rajnikant.