....જીદ ના કર

જેવું છે તેવું જ બતાવી દેશે દંભ વગર,
અરીસાને ચહેરો બતાવવાની જીદ ના કર.

સપનું ક્યારેય આવે નહિ નીંદ વગર,
આખી જિંદગી જાગવાની જીદ ના કર.

પાયો જ જેનો રચાયો છે સિમેન્ટ વગર,
આવી ઈમારત ને ચણવાની જીદ ના કર.

કંઈ સદીઓથી રઝળી રહ્યો છે લાગણી વગર,
જીવ, તેને ઝાકળથી ભીન્જવવાની જીદ ના કર.

મુહોબ્બત આ મળી ગઈ છે માંગણી વગર,
આ ઈશ્વરી સંકેતને ના સમજવાની જીદ ના કર.

કંઈ કેટલીયે 'શમા' બુઝાઈ ગઈ પરવાના વગર,
જે પરવાનો મળ્યો, તેને જલાવવાની જીદ ના કર.

દીપ્તિ પટેલ, 'શમા', કેનેડા
૦૧-૦૭-૧૨, ૧.૦૯ સવારે